بنورّد إيه؟
| النوع | الاستخدام الشائع |
|---|---|
| خرسانة عادية (نظافة) | تحت القواعد والأرضيات |
| خرسانة مسلحة | أسقف، قواعد، لبشة، أعمدة، سملات، أرضيات |
| خرسانة مقاومة للكبريتات | الأساسات في التربة أو المية الجوفية اللي فيها أملاح |
| خرسانة بإضافات | تأخير الشك في الحر، أو تحسين التشغيلية للمضخة |
الأنواع والرتب بالتفصيل: أنواع الخرسانة الجاهزة.
إزاي بيتم التوريد؟
- بتبعتلنا: المكان، نوع الصبة (سقف، قواعد، أرضية)، الكمية التقريبية أو المقاسات، والمعاد.
- بنأكد: الرتبة المناسبة، الكمية، هل محتاج مضخة، وعدد العربيات.
- بنحجز المعاد مع المحطة ونرتب وصول العربيات ورا بعض عشان الصبة متقفش.
- يوم الصب: استلام العربيات، الصب بالمضخة، والمتابعة لحد آخر عربية.
- بعد الصب: بونات التوريد، وتعليمات المعالجة (الرش).
مضخة ولا من العربية مباشرة؟
- مباشرة من العربية: لو الموقع أرضي والعربية بتقرب.
- مضخة بذراع (بمب): للأسقف والأدوار العالية والمواقع اللي العربية مش بتوصلها.
- مضخة خط (ثابتة): للمسافات الطويلة أو الأماكن الضيقة.
الخرسانة الجاهزة ولا الخلط في الموقع؟
الجاهزة بتيجي بخلطة ثابتة ومحسوبة، وبتصب الكمية الكبيرة بسرعة من غير فرق بين أول الصبة وآخرها. الخلط في الموقع (الخلاطة/اليدوي) ممكن يبقى منطقي في كميات صغيرة جدًا، لكنه أبطأ والجودة بتتوقف على العمال. شوف الفرق بين الخرسانة الجاهزة واليدوية.
ميزتنا: الصب والتشطيب مع بعض
لو بتصب أرضية (مخزن، جراج، ممر)، التنسيق بين المحطة وفريق التشطيب بيفرق في شكل وعمر الأرضية. إحنا بنمسك الاتنين: صب + هليكوبتر بعقد واحد.
احسب كميتك
السعر
سعر متر الخرسانة الجاهزة بيتغير مع أسعار الأسمنت والحديد والسولار، وحسب الرتبة والمسافة والمضخة، عشان كده بنديك سعر اليوم على واتساب أو تليفون. التفاصيل: سعر متر الخرسانة الجاهزة.
أسئلة بتتسأل كتير
عندكم محطة خرسانة؟
بنورّد من محطات موردين معتمدين، ونختار الأقرب لموقعك عشان الخرسانة توصل في وقتها. في المشروعات الكبيرة اللي موقعها يسمح، ممكن نجهّز الخلط في الموقع.
أقل كمية بتوردوها كام؟
بيفرق حسب المحطة والمنطقة. الكميات الصغيرة ممكن تتورد بس سعر المتر المكعب بيكون أعلى، وأحيانًا المضخة بيبقى ليها حد أدنى.
بتوردوا للأسقف في البيوت؟
أيوه، صب الأسقف من أكتر الصبات. شوف صب الأسقف بالخرسانة الجاهزة.
العربية بتشيل كام متر؟
بيختلف من محطة للتانية ومن عربية للتانية، وبنحسب عدد العربيات حسب الكمية.
بتوردوا فين؟
القاهرة والجيزة والقليوبية و6 أكتوبر والشيخ زايد والعبور والتجمع ومدينة نصر وبدر والشروق والعاشر من رمضان. أكّد المنطقة معانا عشان نحدد أقرب محطة ومعاد.
إيه المطلوب مني يوم الصب؟
الشدة والحديد جاهزين ومعتمدين من المهندس، مكان تقف فيه العربية والمضخة، ومية للرش بعد الصب.