المحتوى ده قائمة مراجعة عملية من تجربة التوريد، ومش بديل عن مراجعة محامي للعقد.
البنود الأساسية
| البند | اكتب فيه إيه |
|---|---|
| الأطراف والموقع | اسم المورد والعميل، عنوان الموقع بالظبط |
| الرتبة | الرتبة أو المواصفة من اللوحات، ونوع الأسمنت (عادي أو مقاوم للكبريتات) |
| الإضافات | مؤخر شك/ملدن لو مطلوب، ومين يقرر |
| الكمية | الكمية التقديرية، والمحاسبة بالبونات الفعلية |
| المواعيد | معاد أول عربية، والفاصل الأقصى بين العربيات |
| التأخير | إيه اللي بيحصل لو العربيات اتأخرت أو الموقع مش جاهز |
| القوام والرفض | القوام المطلوب، ومنع إضافة مية، وحالات رفض العربية |
| المضخة | نوعها، مين يوفرها، ومسؤولية مكان وقوفها |
| الاختبارات | عمل المكعبات، مين ياخدها، وإيه يحصل لو النتيجة أقل |
| الدفع | مقدم؟ عند الصب؟ بعد البونات؟ |
| الإلغاء | إلغاء المعاد قبلها بكام ساعة، والتكلفة |
بنود كتير بتتنسي
- مسؤولية النظافة حوالين مكان المضخة والعربيات.
- التعامل مع الصب لو الجو اتقلب (مطر/حر شديد).
- مين يوقع على البونات من طرفك.
- الحد الأدنى للكمية أو المضخة.
لو هتصب أرضية
ضيف بنود التشطيب في نفس العقد أو عقد مرتبط: توقيت وصول فريق التنعيم، قص الفواصل، المعالجة، واستلام الاستواء. ده سبب إن بنقترح صب + هليكوبتر بعقد واحد.
أسئلة بتتسأل كتير
فيه نموذج عقد توريد خرسانة جاهزة word؟
بدل نموذج جاهز، الأفضل تتأكد إن البنود اللي في الجدول مكتوبة في عقدك بما يناسب مشروعك، وتراجعها مع محامي.
الكمية بتتحسب إزاي؟
بالبونات الفعلية للعربيات اللي اتصبت، مع كمية تقديرية في العقد للتخطيط.