الإيبوكسي في كلمتين
الإيبوكسي مادتين (راتنج + مُصلِّب) بيتخلطوا في الموقع ويتفردوا على الأرضية. بعد ما يشد بيبقى طبقة صلبة لاصقة في الخرسانة. نجاح الأرضية 80% منه في التجهيز: خرسانة ناشفة، سطح متصنفر أو متخرّش، ونظيف من الزيت والتراب. لو التجهيز اتظلم، أغلى إيبوكسي هيتقشر.
أنواع أرضيات الإيبوكسي
| النوع | السُمك التقريبي | مناسب لـ |
|---|---|---|
| طلاء إيبوكسي (رولة، طبقتين أو تلاتة) | أقل من نص مللي لحد حوالي مللي | مخازن، جراجات، ممرات، مناطق حركة خفيفة |
| إيبوكسي ذاتي التسوية | حوالي 2–3 مم | مصانع أغذية وأدوية، معارض، مستشفيات، سطح ناعم مستوي |
| إيبوكسي مانع للانزلاق (رمل مفروش) | حسب الطبقات | مناطق مبلولة، رامبات، مطابخ صناعية |
| مونة إيبوكسي تقيلة | عدة مللي | ورش تقيلة ومناطق صدمات |
| إيبوكسي ديكور (ميتالك/رخامي) | حسب التصميم | محلات، شقق، معارض |
الأرقام دي نطاقات شائعة في أنظمة المصنّعين، والنظام المناسب بيتحدد بالاستخدام.
مراحل التنفيذ
- فحص الخرسانة: عمرها، رطوبتها، قوة سطحها، والشروخ.
- التجهيز: تجليخ (صنفرة ماكينة) أو تخريش، وإزالة الزيوت واللبانة الضعيفة.
- إصلاح: الشروخ والحفر بمونة إيبوكسي، ومعالجة الفواصل.
- البرايمر: طبقة أولى بتتشرب في الخرسانة وتحسن اللصق.
- الطبقة الأساسية: رولة أو ذاتي التسوية أو رمل مفروش حسب النظام.
- الطبقة النهائية: اللون واللمعة أو المطفي، وخطوط التخطيط لو مطلوبة.
ليه بنتسأل كتير عن الخرسانة اللي تحت؟
لأن الإيبوكسي بيورث عيوب الخرسانة: لو فيها رطوبة طالعة من تحت، الطبقة بتعمل فقاعات. لو السطح ضعيف، الإيبوكسي بيتقلع ومعاه قشرة خرسانة. عشان كده لو الأرضية جديدة بنصبها بالهليكوبتر ونسيبها تنشف قبل الإيبوكسي، ولو قديمة بنختبرها الأول. شوف أرضيات الهليكوبتر.
أشهر استخدامات عندنا
- أرضيات إيبوكسي للمصانع والمخازن: مصانع أغذية وأدوية وبلاستيك ومخازن.
- جراجات ومواقف وخطوط التخطيط.
- إيبوكسي للبيوت والمحلات: مطابخ، حمامات، محلات، معارض.
السعر
سعر متر الإيبوكسي بيتحدد بالنظام (رولة ولا ذاتي التسوية)، حالة الأرضية والتجهيز المطلوب، اللون، والمساحة. أسعارنا في متناول الجميع، وعرض السعر مجاني:
| البند | إيه اللي بيغيّر السعر |
|---|---|
| إيبوكسي طبقات (رولة) للمخازن والجراجات | حالة الأرضية والتجهيز وعدد الطبقات |
| إيبوكسي صناعي تقيل / ذاتي التسوية | السُمك ومقاومة الكيماويات |
| إيبوكسي ديكور (ميتالك / 3D) | بيتسعّر بالتصميم بعد المعاينة |
أسعارنا في متناول الجميع، وعرض السعر مجاني. ابعت المساحة وصورة للمكان، ونرد عليك بأفضل سعر لمشروعك النهارده، سواء بيتك أو مشروعك أو مصنعك.
التفاصيل: سعر متر الإيبوكسي في مصر.
أسئلة بتتسأل كتير
هل الإيبوكسي عملي للأرضيات؟
عملي جدًا في الأماكن اللي محتاجة نظافة ومقاومة زيوت وكيماويات، بشرط التجهيز الصح. عيبه إنه ممكن يتخدش من سحب حاجات حادة، وبيحتاج صيانة للطبقة النهائية مع السنين. التفاصيل في عيوب ومميزات الإيبوكسي.
الإيبوكسي بيجف في قد إيه؟
المشي الخفيف غالبًا بعد يوم، والحركة العادية بعد حوالي 3 أيام، والمقاومة الكاملة للكيماويات بعد حوالي أسبوع، وده بيتغير مع حرارة الجو ونوع المادة.
ينفع إيبوكسي فوق السيراميك؟
ممكن في حالات، بشرط السيراميك ثابت ومش مطبل، ويتعمل له تجهيز خاص. مش بننصح بيه في الأماكن التقيلة. التفاصيل في الإيبوكسي فوق السيراميك.
الإيبوكسي بيقاوم الحرارة؟
بيقاوم حرارة الاستخدام العادي، لكن المياه المغلية والأفران والبخار الشديد بيحتاجوا أنظمة خاصة زي البولي يوريثان الأسمنتي.
إيه الفرق بين الإيبوكسي والسيراميك؟
الإيبوكسي سطح واحد بلا فواصل وسهل التنظيف ومقاوم للكيماويات، والسيراميك أرخص في الأماكن الخفيفة وأسهل في الاستبدال الجزئي. الاختيار بيتحدد بالمكان.
بتشتغلوا في المصنع وهو شغال؟
بنقسم الشغل على مناطق ومواعيد (بالليل أو الإجازات) عشان الإنتاج ميقفش، حسب طبيعة المصنع.