أرضيات إيبوكسي للمصانع والمخازن

إيه اللي بيحدد نظام الإيبوكسي في المصنع؟

حسب نوع المصنع

• الأغذية والمشروبات: سطح بلا فواصل سهل التعقيم، ويفضل ركنة (كوف) عند الحيطة عشان الوساخة متتحبسش. في مناطق المية السخنة بنقترح أنظمة بولي يوريثان أسمنتي.
• الأدوية ومستحضرات التجميل: سطح ناعم ذاتي التسوية، ألوان فاتحة، وممكن مضاد للكهرباء الساكنة في مناطق معينة.
• البلاستيك والهندسية: مقاومة زيوت وتآكل، ومناطق ممرات بخطوط تخطيط.
• المخازن ومراكز التوزيع: طبقات رولة اقتصادية فوق هليكوبتر، مع تخطيط الممرات والرفوف.

خطوط التخطيط والسلامة

الإيبوكسي بيسمح بتقسيم الأرضية بألوان: ممرات مشاة، ممرات كلارك، مناطق خطر، أماكن الطفايات. ده بيتعمل في الطبقة النهائية ومش بيحتاج دهان منفصل يتقشر.

التنفيذ من غير ما يقف الإنتاج

1. تقسيم المصنع لمناطق وتحديد مواعيد كل منطقة مع الإدارة.
2. عزل المنطقة وتجهيزها (تجليخ وتنظيف) بمعدات بتشفط التراب.
3. الطبقات على مواعيد تسمح بالشد قبل رجوع الحركة.
4. تسليم منطقة وبدء اللي بعدها.

الأرضية القديمة في المصنع

مصانع كتير أرضيتها خرسانة قديمة فيها زيوت وشروخ. قبل ما نسعّر بنعمل:

• اختبار رطوبة للخرسانة.
• فحص قوة السطح (هل بيتفتت؟).
• حصر الشروخ والفواصل المتحركة.

لو الخرسانة مش صالحة، أحيانًا الأوفر صبة جديدة بالهليكوبتر ثم إيبوكسي، بدل ما نعالج أرضية هتفضل تعمل مشاكل. شوف أرضيات المصانع: هليكوبتر ولا إيبوكسي؟.